Salmon மீன் வறுவல்

"என்ன இன்னைக்கு fish fry எப்டி இருக்குன்னு சொல்லவே இல்ல...?"
"ஒவ்வொரு வாட்டியுமா சொல்ல முடியும்? இப்போல்லாம் தான் நீ standard ஆ ரொம்ப நல்லா வெக்குறியே???"

அட அப்படியா ......கால் தரையில நிக்காம பறக்க ஆரம்பிச்சுடுச்சு....

ஓ! இதான் நிலாவா......பறந்து அவ்ளோ தூரமா வந்துட்டேன்....??

அப்டியே flash back , மூணு வருஷம் முன்னாடி போய்,

"இதான் உங்க ஊருல வெங்காய சட்னி யா?? எனக்கு பொடி வெச்சுடு"
"நான் ஆபீஸ் லேயே லஞ்ச் (மட்டுமாவது ஒழுங்கா) சாப்ட்டுக்றேன்"

இதெல்லாம் நெனச்சு பாத்து கீழ எறங்கிட்டேன்....

கல்யாணம் ஆனா புதுசுல ஒவ்வொரு சாப்பாடு டைம் லயும் பெரிய டென்ஷன் எனக்கு.....ஏன்னா என் சமையல் அவருக்கு அவ்ளோவா, இல்ல இல்ல அவ்ளோவும் புடிக்கலை...

அப்படி இருந்த நான் ....எப்புடி ஆயிட்டேன்...(படிக்க...பதிவின் முதல் மூன்று வரிகள்)

எனக்கு நல்ல பெயர் வாங்கி குடுத்த சில recipes இங்க share பண்ண படும்.

தேவையான பொருள்கள்:



மீன் துண்டுகள்.(படத்தில் இருப்பது salmon fish),
மிளகாய் தூள் 1ஸ்பூன்
மஞ்சள் தூள் ½ஸ்பூன்
மல்லி தூள் 1ஸ்பூன்
சீரக பொடி, மிளகு பொடி, சோம்பு பொடி தலா ½ஸ்பூன்
உப்பு தேவையான அளவு
புளி கரைசல் நீர்க்க கரைத்து கொள்ளவும்.

எல்லா பொடி வகைகளையும் கலந்து புளி கரைசல் ஊற்றி பிசைந்து அதை மீன் துண்டுகளில் தடவி முப்பது நிமிடங்கள் ஊற வைக்கவும்.


செய்முறை

செய்முறை பெரிசா இல்ல...கடாய் ல எண்ணெய் விட்டு, காய்ந்தவுடன் மீன் துண்டுகளை அதில் போட்டு, அடுப்பை sim ல வெச்சு, மீன் துண்டுகளை திருப்பி திருப்பி விட்டு பொரிந்தவுடன் எடுக்கவும்.



குறிப்பு:
salmon இயல்பிலேயே சுவை மிகுந்தது....அதனால இந்த simple மசாலா உபயோகித்து என்னை போன்ற அரை வேக்காடு சமையல் காரர்கள் கூட நல்ல பெயர் வாங்கலாம், நம்ம ஊருல வஞ்சிர மீன் கிட்ட தட்ட இதே போல் சுவையாக இருக்கும்.
salmon மீன் நிறைய கொழுப்பு சத்து மிகுந்தது. அதனால் fry பண்றப்போ அதுவே நிறைய oil release பண்ணும். அதனால நம்ம ரொம்ப குறைவான எண்ணையில் பொரித்தால் போதும். அடி கனமான வாணலியில், குறைந்த தீயில், olive oil இல் பொரித்தால் உடல் நலனையும் கருத்தில் கொண்டதாக அமையும்.
salmon பொரிந்து விட்டதானால் மடல் மடலாக பிரிந்து வரும், அது தான் எடுப்பதற்கு சரியான பக்குவம்.
இந்த recipe, நம்ம ஊரு மீன் வகைகளில் வஞ்சிர மீன் க்கு மட்டுமே பொருந்தும் என்று நினைக்குறேன். மற்ற மீன்களுக்கு மசாலா சற்று அதிகமாக தேங்காய்,வெங்காயம் எல்லாம் அரைத்து செய்ய வேண்டும். அதை பற்றிய குறிப்பு விரைவில்.